Zulfiqar Adil Ki Shaeri Se Intikhab
زوللفقار عادل کے مجموعہ سے چند منتخب اشعار (ابرار احمد)
ذوالفقار عادل نے زبان کو ایسے برتا ہے کہ تراکیب اور روایت سے زیادہ جڑت نہ ہونے کے با وصف ایک منفرد اور اپنا لب و لہجہ دریافت کر دکھایا ہے .مکالمے کی فضا ، عصری حقیقتوں کے درمیان فرد کی تنہائ اور بے بسی اور جدید زندگی میں در پیش الجھنیں اس کی غزل میں کچھ اس طور ڈھل کر آئ ہیں کہ غزل کی بہ طور صنف ظاہری حدود کی طرف دھیان ہی نہیں جاتا
شرق مرے شمال میں .. ذوالفقار عادل کا مجموعہ کلام میرے لیے ایک منفرد اور خوش کن خبر لے کر آیا کہ ابھی تازہ کاری سے معمور نہایت عمدہ غزل لکھی جا رہی ہے
مشاعرہ بازی کے زمانے میں غزل پر یہ افتاد آ پڑی ہے کہ ہر کوئی فوری پزیرائی کے حصول میں بیماری کی حد تک مبتلا ہے .ایسے میں شہرت سے بے نیاز ہو کر سچے باطنی تجربے کو شعر میں اس درجہ کامیابی سے ڈھال دکھانا ایک ایسا کمال ہے جس سے کھری اور تازہ شاعری کا سفر اور مستقبل دونوں کی بابت اطمنان ہوتا ہے
ذوالفقار عادل نے زبان کو ایسے برتا ہے کہ تراکیب اور روایت سے زیادہ جڑت نہ ہونے کے با وصف ایک منفرد اور اپنا لب و لہجہ دریافت کر دکھایا ہے .
(جاری ہے)
تفصیل سے لکھنا اس کتاب کا حق ہے جو ہماری تنقید کا فریضہ ہے ..میں اسے دل کی گہرائیوں سے اس مجموعہ کی اشاعت پر مبارک باد پیش کرتا ہوں.. ایک مشورہ .
. اس شاعر کو ذرا صبر اور ارتکاز سے پڑھا جانا ضروری ہے ..سرسری انداز سے گزرنا اس غزل کی تفہیم میں رکاوٹ ہو گا میری ناقص راے میں
.......ہم سفر تھا غبار راہ فنا
ابر سمجھے جسے کئی ہم سے
چیخ نہیں سکا کبھی ، آگ نہیں لگا سکا
جلتا رہا ہوں رات دن ، آتش اعتدال میں
اپنی جگہ سے ہٹ کے دیکھ ، پھر وہ جگہ پلٹ کے دیکھ
میں جو نہیں تو اب وہاں ، کیا ہے ترے خیال میں
دل سے گزر رہا ہے کوئی ماتمی جلوس
اور اس کے راستے کو کھلا کر رہے ہیں ہم
اک ایسے شہر میں ہیں جہاں کچھ بچا نہیں
لیکن اک ایسے شہر میں کیا کر رہے ہیں ہم
اب تک کوئی بھی تیر ، ترازو نہیں ہوا
تبدیل اپنے دل کی جگہ کر رہے ہیں ہم
سرکار ! ہر درخت سے بنتے نہیں ہیں تخت
قربان آپ پر مرے اوزار اور میں
لے کر تو آ گیا ہوں مرے پاس جو بھی تھا
اب سوچتا ہوں تیرا خریدار ، اور میں
تم مجھے کچھ بھی سمجھ سکتے ہو
کچھ نہیں ہوں تو غنیمت سمجھو
یہ جو پانی کی خموشی ہے ، اسے
ڈوب جانے کی اجازت سمجھو
بیٹھے بیٹھے پھینک دیا ہے آتش دان میں کیا کیا کچھ
موسم اتنا سرد نہیں تھا جتنی آگ جلا لی ہے
ہاتھ میں کل جو ہاتھ تھا ، نبض پہ آ گیا ہے آج
وقت کے عارضے میں ہوں ، گزرا ہوا سمجھ مجھے
کالے لباس کا مجھے ایسا بھی تجربہ نہیں
ہنستا بھی ہوں اگر کبھی ، روتا ہوا سمجھ مجھے
ہر کردار کے پیچھے پیچھے چل دیتا ہے قصہ گو
یونہی بیٹھے بیٹھے اپنا کام بڑھاتا رہتا ہے
جتنا اڑا دیا گیا
اتنا غبار تھا نہیں
پانی میں عکس ہے میرا
پانی مگر میرا نہیں
پھر وہ غزال دم بخود
مرتا رہا مرا نہیں
میرے لیے تو ہے یہاں
شہر سے بے گھری مراد
باد چہار سمت سے
مجھ میں کھلا گل تضاد
ان آنکھوں سے دو اک آنسو ٹپکے ہوں تو یاد نہیں
ہم نے اپنا وقت گزارا ہر ممکن خاموشی سے
یہ کس نے ہاتھ پیشانی پہ رکھا
ہماری نیند پوری ہو گئی ہے
پھول کہاں سے آے تھے ، اور کہاں چلے گئے
وقت نہ تھا کہ دیکھتا ، پودوں کی دیکھ بھال میں
جانے کس وقت نیند آئ ہمیں
جانے کس وقت ہم تمھارے ہوے
دیواروں کو ، دروازے کو ، آنگن کو
گھر آنے کی عادت زندہ رکھتی ہے
وابستہ میز پوش کے پھولوں کی زندگی
مہمان سے ہے ، میز سے ہے ، میزباں سے ہے
دل نمو دار ہوا ہے دل میں
آنکھ اک آنکھ سے بھر آئ ہے
بیٹھے بیٹھے اسی غبار کے ساتھ
اب تو اورنہ بھی آ گیا ہے ہمیں
صاحب ! تمہیں خبر ہی کہاں تھی کہ ہم بھی ہیں
ویسے تو اب بھی ہیں ، کوئی مر تو نہیں گئے
وہ سفینے کہاں گئے ہوں گے
ڈوبتے ڈوبتے خیال آیا
کتاب .
. شرق مرے شمال میں
انتخاب .. ابرار احمد
(5477) ووٹ وصول ہوئے
Related Poet
Related Articles
ادب نامہ کی طرف سے فیاض اسود کی شاعری سےانتخاب
Fiaz Aswad Ki Shaeri Se Intikhab
قیس کے قبیلے کا فرد ۔۔ مبشر سعید
Qais K Qabeelay Ka Fard
ادب نامہ کی جانب سے ممتاز گرمانی کی شاعری سے انتخاب
Mumtaz Gurmani Ki Shaeri Se Intikhab By Adab Nama
ادب نامہ کی طرف سے شاہد ذکی کی شاعری سے انتخاب
Shahid Zaki Ki Shaeri Se Intikhab By Adab Nama
گل نوخیز اختر کا خصوصی انٹرویو
Gul Naukhez Akhtar Ka Khasoosi Interview
کاشف مجید کی شاعری سے انتخاب
Kashif Majeed Ki Shaairi Se Intekhab
خواب کمخواب
Khawb Kamkhawb
اور یہ دوستی رہے گی ابھی (ابرار احمد ) از قلم۔نصیر احمد ناصر
Aor Yeh Dosti Rahay Gi Bhi
ادب نامہ کی طرف سے ضامن عباس کاظمی کی شاعری سے انتخاب
Zamin Abbas Kazmi Ki Shaeri Se Intikhab By Adab Nama
زوللفقار عادل کے مجموعہ سے چند منتخب اشعار (ابرار احمد)
Zulfiqar Adil Ki Shaeri Se Intikhab
فراق گورکھپوری
Firaq Gorakhpuri
کئی زمانوں کا شاعر ۔۔۔ افضل خان
Kaee Zamanoon Ka Shaair ..afzal Khan
قابل اجمیری
Qabil Ajmairi
ہارون طارق کا خصوصی انٹرویو
Haroon Tariq Ka Khasoosi Interview
زبان ہے تو جہان ہے
Zuban Hae Tu Jahan Hae
احمد شہریار کے مجموئے اقلیم میں سے انتخاب
Ahmed Shehryaar K Mjmoay Aqleem Me Se Intekhab
Zulfiqar Adil Ki Shaeri Se Intikhab - Read Urdu Article
Zulfiqar Adil Ki Shaeri Se Intikhab is a detailed Urdu Poetry Article in which you can read everything about your favorite Poet. Zulfiqar Adil Ki Shaeri Se Intikhab is available to read in Urdu so that you can easily understand it in your native language.
Zulfiqar Adil Ki Shaeri Se Intikhab in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in Zulfiqar Adil Ki Shaeri Se Intikhab.
Zulfiqar Adil Ki Shaeri Se Intikhab is a unique and latest article about your favorite poet. If you wish to know the latest happenings in the life of your favorite poet, Zulfiqar Adil Ki Shaeri Se Intikhab is a must-read for you. Read it out, and you will surely like it.