Episode 51 - Shehr E Dil By Umme Maryam
قسط نمبر 51 - شہرِ دل - اُمِّ مریم
ولید کی خواہش تھی، ایمان کا برائیڈل ڈریس وہ خود پسند کر کے لائے۔ کسی کو کیا اعتراض ہو سکتا تھا…؟ مگر جب یہ ا جازت مل گئی تو اس نے ایک اور خواہش ظاہر کر دی، ایمان کو ساتھ لے جانے کی۔ جس کی کچھ تامل سے سہی، مگر بہرحال اجازت مل گئی تھی۔
”اُٹھو فٹافٹ…! تیار ہو جاؤ…!“
وہ اپنی فتح پہ سرشار مسکراتا ہوا اس کے پاس آکر چٹکی بجا کر بولا۔ ایمان مسکراتے ہوئے اپنے کمرے میں آگئی۔ اس نے اپنی وارڈروب کھولی تو کوئی بھی لباس اس قابل نہ لگا کہ آج کے دن پہن کر جا سکے۔بہت دیر تک اِسی اُلجھن میں مبتلا رہنے کے بعد اس نے بلیو جینز کے ساتھ آف وائٹ چکن کا ٹاپ اور جینز کا اپر سلیکٹ کیا تھا۔ چینج کرنے کے بعد اس نے لانبے بالوں کو سلجھا کر کیچر میں جکڑدیا۔ آئینے میں خود کو دیکھا اور مطمئن ہو کر باہر آگئی۔
یقینا ولید اسی تاخیر کی وجہ سے اوپر آیا تھا، اس سے ٹکراؤ برآمدے میں ہی ہوگیا۔
(جاری ہے)
”سوری…! آپ کو ویٹ کرنا پڑا۔ ایکچوئلی مجھے سمجھ نہیں آ رہی تھی، کون سے کپڑے پہنوں…؟“
”یہ کپڑے پہن کر جاؤ گی…؟“
ولید نے ایک نگاہ اس کے سانچے میں ڈھلے دلکش و سڈول سراپے پہ ڈال کر سنجیدگی سے سوال کیا تو ایمان قدرے کنفیوز ہوگئی تھی۔
”کیا اچھے نہیں لگ رہے…؟“
”ایمان…! یہاں بیٹھو…!“
ولید نے اُسے واپس کمرے میں لاکر بیڈ پر بٹھا دیا۔
”ایک بات کہنے لگا ہوں، بہت دھیان سے سننا ہے، اوکے…!“
وہ اس کے سامنے کرسی گھسیٹ کر بیٹھتا ہوا اسی سنجیدگی سے بولا تو ایمان اس کی سنجیدگی سے خائف ہونے لگی۔
”اگر ہم اپنے ارد گرد غور کریں تو دیکھیں گے کہ دُنیا میں موجود ہر انمول اور قیمتی چیز کو اللہ نے سب کی نظروں سے دُور، بہت چھپا کر ڈھیروں پرتوں کے نیچے بہت پیار سے رکھا ہوا ہے۔چاہے وہ پہاڑوں کی چٹانوں کے تلے چھپے جواہرات ہوں یا پھر سمندر کی تہہ میں موجود سیپ کے اندر پنپتے نادر و نایاب موتی۔ ہر پیش قسمت چیز ہمیں بہت حفاظت سے دُنیا کی آلائشوں سے پاک محفوظ رکھی نظر آئے گی۔
بالکل ایسا ہی ایک قیمتی اور گراں قدر خزانہ عورت کی ذات بھی ہے جس کا وجود اتنا ارزاں ہرگز نہیں کہ ہر نظر بآسانی اس تک رسائی حاصل کر سکے۔ لہٰذا خود کو نایاب اور انمول بناؤ۔ تاکہ ہر اُٹھنے والی نگاہ از خود تمہارے احترام میں عزت سے جھکنے پر مجبور ہوجائے۔“
کس قدر گہری بات اس نے اس قدر شائستگی، نرمی اور خوب صورتی سے کہی تھی کہ ایمان کو برا بھی نہیں لگا اور ایک اہم خامی کی سمت اشارہ بھی کر دیا گیا۔ وہ آہستگی سے مسکرا دی۔
”آپ چلئے…! میں دوبارہ چینج کر کے آتی ہوں، اور اس مرتبہ آپ کو انتظار کی زحمت بھی نہیں اُٹھانا پڑے گی۔“
اس کے لہجے میں خفیف سی شوخی تھی۔ ولید جیسے ہلکا پھلکا سا ہو کر مسکراتا باہر نکل گیا۔ ایمان نے دوبارہ کپڑوں کی الماری کھولی اور بلوچی کڑھائی کا وہی گولڈن براؤن سوٹ نکال لیا۔ اُسے اپنی ٹیچر سے سنی وہ بات یاد آگئی تھی جو انہوں نے لیکچر کے دوران کہی تھی۔
”دیکھ لو…! آدم و حوا علیہم السلام کا لباس شیطان نے اُتروا دیا۔ جب وہ بے لباس ہوئے تو خدا نے انہیں زمین پر بھیج دیا۔ اب وہی شیطان پھر تمہارا لباس چھین رہا ہے۔ ابن آدم و بنت حوا کا لباس مختصر سے مختصر، لباس کم نظر آتا ہے، جسم زیادہ۔ یا اگر لباس پورا ہے بھی تو ایسی شیب میں کہ وجود کے خدوخال کو نمایاں و اُجاگر کرتا ہے۔ذرا سوچیں…! آدم علیہ السلام توجنت سے نیچے زمین پر آگئے تھے۔ تم زمین سے کدھر جاؤگے…؟ اس سے نیچے تو دوزخ ہے۔“
وہ دوبارہ چینج کر کے نیچے آئی تو ولید حسن کی نگاہیں اُسے تکتے لو دینے لگی تھیں۔
”تھینکس فار دس آفر…!“
”مائی پلثرر…!“
تائی ماں نے اُسے گلے سے لگا کر بہت ساری دُعاؤں کے ساتھ فی امان اللہ کہا اور وہ خوب صورت احساسات کے ساتھ پہلی بار اس کے ساتھ گاڑی میں آ بیٹھی۔
”ماشاء اللہ…! اس فرمانبرداری کے مظاہرے سے تو مجھے لگ رہا ہے محترمہ ساری عمر مجھے سر آنکھوں پہ بٹھائیں گی۔“
پرُشوق نظریں، آنچ دیتا ہوا لہجہ، وہ پھر سے اپنی ٹون میں واپس آگیا تھا۔
”لیکن صرف اچھی اور جائز بات…!“
اس نے اُنگلی اُٹھا کر تصحیح کی اور ولید حسن مسکرانے لگا۔
”تمہیں پتا ہے، جب تم نے بابا سے میرے ساتھ کالج جانے سے انکار کیا تو مجھے کتنا غصہ آیا تھا…؟ اور میں نے کون سی بددُعا تمہیں دی تھی…؟“
گاڑی کی اسپیڈ بڑھاتے ہوئے اس نے گفتگو کا رُخ پھیرا۔ ایمان نے نفی میں سر ہلا کر دلچسپ سوالیہ نگاہوں سے اُسے دیکھا تو وہ مسکرا دیا۔
”وہ بددُعا تمہیں لگی ہے، جبھی تم اس وقت میرے ساتھ بیٹھی ہو، یعنی عمر بھر میرے ہی ساتھ سفر کرنے کی۔“
ایمان نے جھینپ کر اُسے ایک گھونسا دے مارا تھا۔ شاپنگ کے دوران ولید نے اپنی نہیں، اس کی پسند کو اوّلیت دی تھی۔ مگر جب لہنگے کے انتخاب کا مرحلہ آیا، تب ولید نے اس کی رائے بھی گوارہ نہیں کی تھی اور گولڈن کلر کا لہنگا پیک کرنے کا کہا تھا۔ ایمان نے منہ بنا لیا۔
”کوئی اور کلر دیکھ لیں ناں…! یہ فیشن میں اتنا اِن نہیں ہے۔“
”ڈونٹ وری…! ہم پینڈو لوگ ہیں،فیشن کی دوڑ میں ہمیشہ پیچھے رہتے ہیں۔“
اس نے کاندھے جھٹک دیئے تو ایمان نے مزید کچھ نہیں کہا تھا۔ مگر جب نکاح کے بعد اُسے فوٹو سیشن کے لئے ولید کے ساتھ لا کر بٹھایا گیا، تب وہ ہی نہیں، جتنے لوگوں نے بھی اُسے دیکھا، کئی ثانیے پلکیں جھپکانا ہی بھول گئے تھے۔ سر اُٹھاتی حسین جوانی کا روپہلا قیامت خیز حسن اس سج دھج اور آرائش کے ساتھ ہوش ربائی کے جلوؤں کی بجلیاں گراتا دیکھنے والی نگاہوں کو چکا چوند کر رہا تھا۔
ولید تو اس کے جلوؤں کی تاب نہ لاتے ہوئے گویا گنگ رہ گیا تھا۔ اس کے محفل میں آنے سے قبل وہ ہر کسی پہ چھایا ہوا لگ رہا تھا، مگر جب ایمان کو لا کر بٹھایا گیا تو گویا قدرت کی کوئی حسین تخلیق مکمل ہوگئی تھی۔
”اگر میری محبت روشنی کی صورت ہوتی تو تم اتنی روشن ہو جاتیں کہ جہاں بھی اندھیرے میں قدم رکھتیں، اُجالا ہوجاتا۔“
ولید حسن نے اس کی سمت جھک کر بوجھل سرگوشی اس کی سماعتوں میں اُتاری، جس نے اس کے چہرے کو حیا بار کر دیا۔
”اگر میری محبت خوشبو کی صورت ہوتی تو تم اتنی معطر ہو جاتیں کہ جہاں بھی جاتیں، ساری فضائیں مہک اُٹھتیں۔“
دھیمے، مخمور سرگوشیانہ انداز میں اپنے دل میں سنبھالے بے تاب اظہار کو اس کی سماعتوں کی نذر کیا۔ ایمان کچھ اور جھینپ گئی اور لرزتی پلکوں کی جھالریں اُٹھا کر اُسے دیکھا، مگر وہ چند لمحوں سے زیادہ دیکھ نہیں پائی۔ اس کی نگاہ کی وارفتگیوں نے اُسے پلکیں جھکانے پر مجبور کر دیا تھا۔
”اگر میری محبت خوشی کی صورت ہوتی تو دُنیا تمہیں دیکھتے ہی مسکرانے لگتی۔ مجھے دُنیا میں ایسا کوئی پیمانہ نظر نہیں آتا جو میری محبت کی گہرائیوں کی شدتوں کو ناپ سکے۔“
اس سہانے سمے جب سب ہی مہمان پنڈال سے اُٹھ کر کھانے کے لئے چلے گئے تھے، تب ولید نے اپنا شرعی حق استعمال کرتے ہوئے پہلی بار اس کے ہاتھ پہ اپنے ہونٹ رکھتے ہوئے بہت گھمبیر لہجے میں ایک اور اقرار کیا تھا۔
”تمہیں پتا ہے، میں کبھی دوست نہیں بنا پایا۔ ایسا دوست جو مجھے محسوس کر سکے، میں بارش میں چل رہا ہوں، میرا چہرہ پانی سے تر ہو مگر وہ میرے آنسوؤں کو پہچان لے، میرے مسکراتے چہرے کی آڑ میں چھپے غم کو پہچان لے، میری خاموشی کے پیچھے بولتے لفظوں کو سن سکے، میرے غصے میں چھپی میری محبت کو دریافت کر سکے۔
ایمان…! تمہیں پتا ہے۔ ایسا میرا صرف ایک ہی دوست تھا، اور وہ ہے اللہ…! میں نے اللہ سے تمہاری محبت تمہاری دوستی مانگی تھی۔ کرو گی مجھ سے دوستی…؟“
وہ اپنا ہاتھ پھیلائے عہد چاہ رہا تھا۔ ایمان نے کچھ کہے بغیر اپنا ہاتھ اس کے ہاتھ پہ رکھ کر عہد نبھانے کا عزم کیا تھا۔
###
Chapters / Baab of Shehr E Dil By Umme Maryam
قسط نمبر 1
قسط نمبر 2
قسط نمبر 3
قسط نمبر 4
قسط نمبر 5
قسط نمبر 6
قسط نمبر 7
قسط نمبر 8
قسط نمبر 9
قسط نمبر 10
قسط نمبر 11
قسط نمبر 12
قسط نمبر 13
قسط نمبر 14
قسط نمبر 15
قسط نمبر 16
قسط نمبر 17
قسط نمبر 18
قسط نمبر 19
قسط نمبر 20
قسط نمبر 21
قسط نمبر 22
قسط نمبر 23
قسط نمبر 24
قسط نمبر 25
قسط نمبر 26
قسط نمبر 27
قسط نمبر 28
قسط نمبر 29
قسط نمبر 30
قسط نمبر 31
قسط نمبر 32
قسط نمبر 33
قسط نمبر 34
قسط نمبر 35
قسط نمبر 36
قسط نمبر 37
قسط نمبر 38
قسط نمبر 39
قسط نمبر 40
قسط نمبر 41
قسط نمبر 42
قسط نمبر 43
قسط نمبر 44
قسط نمبر 45
قسط نمبر 46
قسط نمبر 47
قسط نمبر 48
قسط نمبر 49
قسط نمبر 50
قسط نمبر 51
قسط نمبر 52
قسط نمبر 53
قسط نمبر 54
قسط نمبر 55
قسط نمبر 56
قسط نمبر 57
قسط نمبر 58
قسط نمبر 59
قسط نمبر 60
قسط نمبر 61
قسط نمبر 62
قسط نمبر 63
قسط نمبر 64
قسط نمبر 65
قسط نمبر 66
قسط نمبر 67
قسط نمبر 68
قسط نمبر 69
قسط نمبر 70
قسط نمبر 71
قسط نمبر 72
قسط نمبر 73
قسط نمبر 74
قسط نمبر 75
قسط نمبر 76
قسط نمبر 77
قسط نمبر 78
قسط نمبر 79
قسط نمبر 80
قسط نمبر 81
قسط نمبر 82
قسط نمبر 83
قسط نمبر 84
قسط نمبر 85
قسط نمبر 86
قسط نمبر 87
قسط نمبر 88
قسط نمبر 89
قسط نمبر 90
قسط نمبر 91
قسط نمبر 92
قسط نمبر 93
قسط نمبر 94
قسط نمبر 95
قسط نمبر 96
قسط نمبر 97
قسط نمبر 98
قسط نمبر 99
قسط نمبر 100
قسط نمبر 101
قسط نمبر 102
قسط نمبر 103
قسط نمبر 104
قسط نمبر 105
قسط نمبر 106
قسط نمبر 107
قسط نمبر 108
قسط نمبر 109
قسط نمبر 110
قسط نمبر 111
قسط نمبر 112
قسط نمبر 113
قسط نمبر 114
آخری قسط
بیٹیاں پھول ہیں
Betian Phool Hain
بات ہے رسوائی کی
Baat Hai Ruswai Ki
مقدس
Muqaddas
تہی داماں
Tahi Daman
تُوبُوااِلیَ اللّٰہِ جَمِیعَاً
Tu Bu Ella ALLAH Jamea
آیڈیل
Ideal
اُڑان
uran
سب رَس
Sab Ras
NovelAfsaneIslamicHistoryTravelogueAutobiographyUrdu LiteratureHumorousPoliticsSportsHealthPersonalitiesColumn And ProseSend Your Books & Requests