Episode 17 - Qalandar Zaat By Amjad Javed
قسط نمبر 17 - قلندر ذات - امجد جاوید
”وہ چوہدری حفیظ… ابھی کچھ دیر پہلے یہاں تھا۔ اس نے بتایا تو میں نے چھاپہ مارا‘ اور گاڑی مل گئی۔“ رندھاوے نے پورے اعتماد سے کہا۔ وہ اس وقت تک کافی حوصلہ پکڑ چکاتھا۔
”یہ تصدیق کیے بغیر کہ گاڑی اس نے چرائی ہے یانہیں‘ تم اُسے پکڑ کر یہاں تھانے میں لے آئے ہو‘ اور وہ بھی اس قدر ذلیل کرکے… کیوں…اس کا جواب دو…“ شاہ زیب نے غصے میں کہا۔
”سچ کیا ہے وہ بولو انسپکٹر… یہ بچوں جیسی باتیں مت کرو‘ ورنہ مجھے اور شاہ زیب کو یہاں دیکھ کر تمہیں سمجھ جاناچاہیے کہ یہ علاقہ تمہارے لیے عذاب بن جائے گا۔“ پیرزادہ وقاص نے سخت لہجے میں کہا تووہ چند لمحے خاموش رہاپھر الجھتے ہوئے بولا۔
”دیکھئے‘ ابھی آپ اسے لے جائیں۔ میں آپ کو بعدمیں بتادوں گا۔“
رندھاوے نے یہ لفظ بہت مشکل سے کہے تھے۔
شاید اس کے اندر ہی اندر کچھ اور لاوا پک رہاتھا یا پھر وہ خجالت کے باعث بات نہیں کرپارہاتھا۔ کچھ ایسا تھا‘ جس کی وجہ سے وہ اذیت محسوس کررہاتھا‘میں نے اس کی اذیت میں اضافہ کرنے کی خاطر کہا۔
(جاری ہے)
”دراصل‘ یہ جو ہمارا سسٹم ہے نا‘اس میں بے چارے پولیس والے بھی کیا کریں جاگیرداروں‘ وڈیروں ‘ سیاسی لیڈروں اور سرکاری افسروں کی حفاظت کرتے کرتے‘ ان میں غلامی کی عادت آچکی ہے۔ یہ طاقت کی زبان سمجھتے ہیں یا رشوت کی‘ انہیں صرف غریبوں پر تشدد اور مظلوموں پر ظلم کرنا آتا ہے… ورنہ یہ مجھے میرے گھر کے سامنے سے یوں ذلیل کرکے نہ لاتا‘پتا نہیں اس نے کس کی غلامی کی ہے‘ رندھاوے بول دے‘ کس کی غلامی کی ہے تونے…؟“ میرے لہجے میں طنز کی کاٹ کچھ زیادہ ہی آگئی تھی۔ میرا اُگلا ہوا زہر برداشت کرتے ہوئے اس نے تحمل سے کہا۔
”تیری طرح جوخواہ مخواہ اپنی جرات دکھاتے پھرتے ہیں نا‘جب ان کی چمڑی اُدھڑتی ہے تو پہچانے نہیں جاتے۔ ان دو معزز لوگوں کی وجہ سے میں تمہیں چھوڑ رہا ہوں۔ اب اپنی زبان کو لگام دے۔“ افضل رندھاوے اپنی مزید بے عزتی برداشت نہیں کرسکا‘ تبھی پیرزادہ وقاص بولا۔
”میرے سوال کا جواب نہیں دیا انسپکٹر‘ تم نہیں جانتے‘ تیری خاموشی سے علاقے میں کتنی بڑی الجھن پیدا ہوسکتی ہے۔ تم اس کا تصور بھی نہیں کرسکتے۔“اس کے یوں کہنے پر رندھاوے نے خود پر قابو پاتے ہوئے پیرزادہ وقاص کی آنکھوں میں دیکھتے ہوئے پوچھا۔
”آپ مجھ پریقین کریں گے؟“
”کروں گا۔“ اس نے ایک دم سے کہا۔
”تو پھرسنیں…! مجھے میرے اعلیٰ آفیسر کا فون ملا۔ یہ جیپ جو اس کے گھر کے سامنے سے ملی ہے‘ یہ ملک سجاد کے بیٹے کی ہے۔ وہی ملک سجاد جو اس وقت وفاقی وزیر ہے۔ چوہدری حفیظ اس کا بھیجا ہوا بندہ تھا۔اب میں نہیں جانتا کہ کیا ہوا‘ کیا نہیں۔ میں نے افسر کا حکم مانا ہے۔ چند دن پہلے ڈکیتی میں یہ گاڑی چھینی گئی تھی ،جو میں نے برآمد کی ہے۔ درمیان کی کہانی کیا ہے‘ میں نہیں جانتا۔“ وہ تذبذب بھرے انداز میں بولتا چلا گیا تھا جس پر شاہ زیب بولا۔
”توپھر اپنے اس اعلیٰ افسر کو رپورٹ کرو اور اس سے پوری کہانی سمجھاؤ‘ کیونکہ اس گاڑی پر چھ مسلح افراد اس پرقاتلانہ حملہ کرنے آئے تھے اور دوسری بات… اپنے اعلیٰ افسر کو یہ سمجھا دو…جمال کو ہاتھ لگانے سے پہلے حویلی سے اجازت لینا ہوگی…“ یہ کہہ کر وہ اٹھ گیا۔ تبھی پیرزادہ وقاص بھی اٹھ گیا۔ ہم تینوں باہر صحن میں آگئے۔ میری حالت خاصی خراب تھی۔
”چلو‘ ہسپتال چلتے ہیں۔“ پیرزادہ نے کہا۔
”نہیں‘ میں گھر جاؤں گا۔ میں اپنی چوٹوں کا علاج خود کرلوں گا۔“ میں نے کہا تو شاہ زیب نے کار کا گیٹ کھول دیا۔ تبھی پیرزادہ بولا۔
”شاہ زیب… مجھ پر کسی قسم کا شک مت کرنا‘ میں منافقوں کی طرح سیاست نہیں کرتا۔ یہ ان لوگوں کا کام ہے جن کی ولدیت میں کچھ شک ہوتا ہے۔ میں میدان کابندہ ہوں۔ ہار جیت اپنی جگہ‘ زندگی رہی تو تیرے ساتھ مقابلہ کرتارہوں گا۔ مگر جمال کے بارے میں میری کوئی سازش نہیں ہے۔ یہ ذہن میں رکھنا۔“
”میں تم پر یقین کرتا ہوں وقاص‘ بس یہ جیپ والے معاملے میں تعاون کرو‘ ورنہ میں جمال کاشک دورنہیں کرپاؤں گا۔“ یہ کہتے ہوئے اس نے مصافحے کے لیے ہاتھ بڑھادیا۔ پورے تھانے کے لوگ یہ منظر دیکھ رہے تھے۔ اس وقت میرے بدن میں ٹیسیں اٹھ رہی تھیں اور میں جلد از جلد گھر پہنچ جانا چاہ رہا تھا۔ رات تیزی سے سر پرآرہی تھی اور میرا ذہن تیزی سے سوچ رہاتھا کہ اگر یہ دونوں نہیں ہیں تو پھر تیسرا کون ہے؟
# # # #
وہ پھر وہیں پر آگئے ‘جہاں سے انوجیت نے اپنا گھر دکھایا تھا۔ گاڑی پکی سڑک سے اتر کر پختہ راستے پر چل پڑی‘ کچھ ہی فاصلے پر وہ سرخ اور سفید حویلی نما کوٹھی دکھائی دے رہی تھی‘ جسپال سنگھ کا دماغ ابھی تک گرم تھا۔ اسے پولیس چوکی میں آفیسر کی باتیں بہت بری لگی تھیں مگر، اس کے ساتھ ہی لاشعوری طور پر اس کے دماغ میں بہت سارے سوال جنم لینے لگے تھے۔ یہ ایک طرح سے اچھا ہی ہوا تھا کہ اسے اس نہج پر سوچنے کا موقع مل گیا کہ یہاں بھارت میں اس کی حیثیت کیا ہے؟ ہر سوال اپنی توجہ چاہ رہاتھا لیکن وہ وقت نہیں تھا کہ اس پر سوچ سکتا۔ وہ پوری توجہ سے اس پرغور کرنا چاہ رہاتھا۔ گھر بہت قریب آگیا تھا۔ جیسے ہی گاڑی گیٹ کے سامنے رکی چوکیدار نے گیٹ کھول دیا۔
”اوئے تونے ہارن تو دیانہیں اور…“ جسپال سنگھ نے یونہی کہا۔
”یار‘ اندر ہماراانتظار ہو رہا ہے اور جس راستے سے ہم آئے ہیں وہ چھت سے صاف دکھائی دیتا ہے۔“
”اوہ…تبھی کہوں…“ جسپال کے چہرے پر بشاشت اتر آئی تھی۔
کوٹھی کے اندر بڑا سالان تھا جس کے گرد ایک سیاہ سڑک بڑے سارے پورچ سے ہو کر دوسرے گیٹ تک چلی گئی تھی۔ انوجیت نے گاڑی پورچ میں روکی تو سیاہ داخلی دروازہ کھل گیا‘ جس کے درمیان کلجیت کور کھڑی تھی۔ اس کے ہاتھ میں ایک بڑاسا تھال تھا۔ وہ گاڑی سے اتر کر ان کی جانب بڑھا‘ کلجیت کور نے کٹوری میں پڑا تیل دروازے کے دونوں جانب ڈالا‘ اس کی نذر اتاری اور پھر تھال قریب کھڑی لڑکی کو تھما کر جسپال کو گلے لگالیا۔
”آپُتر…!دَھن بھاگ ہمارے کہ تو نے اس گھر میں اپنا قدم رکھا۔“
پھر وہ راہداری کی جانب چل پڑے۔ ڈرائنگ روم میں کچھ لوگ موجود تھے۔ جن میں کچھ مرد اور زیادہ خواتین تھیں۔ وہ سب بڑی عمر کے تھے۔ اس نے سب کوہاتھ جوڑ کر فتح بلائی‘ جس کا سبھی نے جواب دیا۔ پھر اس نے مرد حضرات سے ہاتھ ملایا‘ خواتین سے پیار لیا‘ تبھی کلجیت کور نے کہا۔
”ادھر آپُتر… ادھر بیٹھ میرے پاس… “ ایک صوفے کی جانب اشارہ کرتے ہوئے وہ خود بھی بیٹھ گئی تھی۔ اس کے بیٹھتے ہی کلجیت کور نے کہا۔ ”یہ سب تیری آمد کا سن کربہت خوش ہوئے تھے۔ یہ سب تیرے باپو اور ماں کے ملنے والے ہیں۔ شاید اس ملاقات میں تو ان کے نام بھی یاد نہ رکھ سکے مگر یہ تیرے لیے یہاں پر ہیں۔ ہم سب تیری آمد پر بہت خوش ہیں۔ ایک خواب تھا جو پورا ہوتا ہوا لگتا ہے۔“
”بہت شکریہ جی آپ سب کا۔ آپ سب میرے والدین کے ملنے والوں میں سے ہیں تو میرے لیے اتنے ہی محترم ہیں‘ جتنے میرے والدین۔ اس عزت افزائی پرمیں آپ کا احسان مانتا ہوں۔“ جسپال سنگھ نے پھر سے ہاتھ جوڑتے ہوئے کہا۔ تبھی ایک بزرگ سے شخص نے کہا۔
”اور دیکھ بھئی کاکا…! تونے وینکوورسے بھارت تک کا ایک طویل سفر کیا اور صبح امرتسر پہنچا پھر یہاں تک تونے ایک لمبا سفر کیا۔ تو ایسے کر فریش ہوجا‘ پھر کھانا کھا کر آرام کرنا۔ تو بھی یہاں اور ہم بھی یہاں‘ ملتے رہیں گے۔ باتیں ہوتی رہیں گی۔“
سبھی نے اس کی بات سے اتفاق کیا۔ انہی لمحات میں اندرکی جانب سے ایک لڑکی نمودار ہوئی۔ دراز قد‘ کومل سی، گلابی گورا رنگ‘ جس پر ہلکے کاسنی رنگ کے شلوار اور ہاف سلیو قمیص خوب جچ رہی تھی۔ کھلے گلے میں لمبا سا مہین آنچل دونوں جانب ڈھلکا ہوا تھا۔ سیاہ درازگیسواس کی کمر تک پھیلے ہوئے تھے۔ سفید نازک سا جوتا پہنے وہ بڑے انداز سے چھوٹے چھوٹے قدم اٹھاتی‘ ہاتھ میں ٹرے پکڑے چلتی چلی آرہی تھی۔ جسپال ایک لمحے کے لیے اسے دیکھ کر مبہوت ہو کر رہ گیا۔ کیا بھرپور حسن تھا۔ اگرچہ اس مہ جبیں کے نقوش تیکھے تھے مگر اس کے بدن کی طرح ہر خط اس طرح مناسب تھا کہ حسن خودبخود چھلک رہاتھا۔ پنجاب کا حسن‘ موٹی آنکھیں‘ جو کاجل کی مانند سیاہ بھنورا تھیں‘ بھاری پلکیں‘ تیکھی تلوار ناک‘ پتلے رسیلے ہونٹ اور دائیں گال میں ڈمپل‘ وہ اسے دیکھتا رہ گیا۔ اس نے ٹرے میز پررکھی تو جدید پرفیوم کی مہک نے ایک دم سے اسے فریش کردیا۔ وہ اسے اتنے قریب سے دیکھ کر نہال ہوگیاتھا۔
Chapters / Baab of Qalandar Zaat By Amjad Javed
قسط نمبر 1
قسط نمبر 2
قسط نمبر 3
قسط نمبر 4
قسط نمبر 5
قسط نمبر 6
قسط نمبر 7
قسط نمبر 8
قسط نمبر 9
قسط نمبر 10
قسط نمبر 11
قسط نمبر 12
قسط نمبر 13
قسط نمبر 14
قسط نمبر 15
قسط نمبر 16
قسط نمبر 17
قسط نمبر 18
قسط نمبر 19
قسط نمبر 20
قسط نمبر 21
قسط نمبر 22
قسط نمبر 23
قسط نمبر 24
قسط نمبر 25
قسط نمبر 26
قسط نمبر 27
قسط نمبر 28
قسط نمبر 29
قسط نمبر 30
قسط نمبر 31
قسط نمبر 32
قسط نمبر 33
قسط نمبر 34
قسط نمبر 35
قسط نمبر 36
قسط نمبر 37
قسط نمبر 38
قسط نمبر 39
قسط نمبر 40
قسط نمبر 41
قسط نمبر 42
قسط نمبر 43
قسط نمبر 44
قسط نمبر 45
قسط نمبر 46
قسط نمبر 47
قسط نمبر 48
قسط نمبر 49
قسط نمبر 50
قسط نمبر 51
قسط نمبر 52
قسط نمبر 53
قسط نمبر 54
قسط نمبر 55
قسط نمبر 56
قسط نمبر 57
قسط نمبر 58
قسط نمبر 59
قسط نمبر 60
قسط نمبر 61
قسط نمبر 62
قسط نمبر 63
قسط نمبر 64
قسط نمبر 65
قسط نمبر 66
قسط نمبر 67
قسط نمبر 68
قسط نمبر 69
قسط نمبر 70
قسط نمبر 71
قسط نمبر 72
قسط نمبر 73
قسط نمبر 74
قسط نمبر 75
قسط نمبر 76
قسط نمبر 77
قسط نمبر 78
قسط نمبر 79
قسط نمبر 80
قسط نمبر 81
قسط نمبر 82
قسط نمبر 83
قسط نمبر 84
قسط نمبر 85
قسط نمبر 86
قسط نمبر 87
قسط نمبر 88
قسط نمبر 89
قسط نمبر 90
قسط نمبر 91
قسط نمبر 92
قسط نمبر 93
قسط نمبر 94
قسط نمبر 95
قسط نمبر 96
قسط نمبر 97
قسط نمبر 98
قسط نمبر 99
قسط نمبر 100
قسط نمبر 101
قسط نمبر 102
قسط نمبر 103
قسط نمبر 104
قسط نمبر 105
قسط نمبر 106
قسط نمبر 107
قسط نمبر 108
قسط نمبر 109
قسط نمبر 110
قسط نمبر 111
قسط نمبر 112
قسط نمبر 113
قسط نمبر 114
قسط نمبر 115
قسط نمبر 116
قسط نمبر 117
قسط نمبر 118
قسط نمبر 119
قسط نمبر 120
قسط نمبر 121
قسط نمبر 122
قسط نمبر 123
قسط نمبر 124
قسط نمبر 125
آخری قسط
عورت
Aurat
سحر ہونے تک
sehar honay tak
طاقتور شکاری کا المیہ (افسانے)
Taqatwar Shikari Ka Almiya - Afsane
دِل ایک شہر جنوں
Dil Aik Shehre e Junoon
ڈاکٹر قدیر خان اور ایٹمی پاکستان
Dr. Qadeer Khan Aur Aitimi Pakistan
اسلام کے بارے میں سو سوال
Islam Key Barey Main 100 Sawal
فکرِ اقبال
fikr e Iqbal
حیات ممکن ہے
Hayat Mumkin Hai
NovelAfsaneIslamicHistoryTravelogueAutobiographyUrdu LiteratureHumorousPoliticsSportsHealthPersonalitiesColumn And ProseSend Your Books & Requests