اگلا صفحہ پچھلا صفحہ

"بجلی کا بحران، عوام پریشان" پر مزید کوریج

بجلی پیدا کرنیوالے تمام پلانٹ کام کررہے ہیں صرف ایک دو خراب ہیں، راجہ پرویز اشرف:
اسلام آباد (اُردو پوائنٹ اخبار تازہ ترین۔24جولائی ۔2009ء) وفاقی وزیر پانی و بجلی راجہ پرویز اشرف نے کہا ہے کہ بجلی پیدا کرنے والے تمام پلانٹ کام کررہے ہیں صرف ایک دو خراب ہیں‘ بجلی پیدا کرنے کے لئے پوری صلاحیت سے کام کررہے ہیں‘ دسمبر تک ملک میں سارے پلانٹ آ جائیں گے‘ ہر شہری چاہتا ہے کہ جلد از جلد اس مصیبت سے نکلیں‘ دسمبر تک ملک بھر سے لوڈشیڈنگ کا خاتمہ کردیا جائے گا‘ صارفین بھی بجلی بچانے میں بھرپور ساتھ دیں۔ میڈیا سے گفتگو کرتے ہوئے وفاقی وزیر نے کہاکہ کچھ سیاسی لوگ باتیں کرتے ہیں کہ یونٹوں کو سپلائی پوری نہیں کررہے یا وہاں تیل و گیس کی کمی ہے جس کی وجہ سے پاور جنریشن نہیں ہو رہی ایسی کوئی بات نہیں ہے جتنی یونٹوں کو جتنی تیل و گیس کی ضرورت ہوتی ہے اس کے مطابق انہیں تیل و گیس مہیا کئے جاتے ہیں انہوں نے کہاکہ جتنے بھی پلانٹس ہیں وہ کام کررہے ہیں صرف دو تین خراب ہیں اور ان پلانٹس سے 500 میگا واٹ کمی کا سامنا رہتا ہے۔ انہوں نے کہاکہ جس بحران سے ہم گزر رہے ہیں اب ہم بہتری کی طرف جا رہے ہیں حتی المقدور کوشش کررہے ہیں کہ ہم اس بحران سے جلد از جلد نکلیں۔ جمعرات کو تمام آئی پی پیز کی ملاقات صدر سے ہوئی ہے اور جو لسٹ میں نے شائع کی تھی اس کے ایک ایک مالک اور سپانسر سے سوال کیا گیا کہ آپ بتائیں کہ اس تاریخ پر کام شروع کرنے کے لئے آ رہے ہیں جس کی انہوں نے یقین دہانی کرائی اور کہاکہ دسمبر تک تمام پلانٹس آ جائیں گے۔ انہوں نے کہاکہ ہر شہری یہی چاہتا ہے کہ اس چیز سے باہر نکلا جائے اور ہم چار پانچ وزراء بیٹھ کر اس مسئلے کو چیک کررہے ہیں اور کوئی اس سے غافل نہیں ہے اور ہم نے لوڈشیڈنگ کے خاتمہ کا عہد کر رکھا ہے۔ وفاقی وزیر نے کہاکہ حبس کے دنوں میں بجلی کی طلب میں اضافہ ہوتا ہے اس لئے جتنا ہوسکے صارفین بجلی کی بچت کریں۔ اے سی 26 ڈگری سینٹی گریڈ پر چلائیں واشنگ مشین‘ استری کا استعمال رات کے وقت نہ کریں اور انرجی سیورز کا زیادہ سے زیادہ استعمال کریں۔

24/07/2009 14:20:02 : وقت اشاعت
پچھلی خبر مركزی صفحہ اگلی خبر
تمام خبریں
یہ صفحہ اپنے احباب کو بھیجئیے
محفوظ کیجئے
پرنٹ کیجئے