”ڈن، کرنسی کیسے لوگے ،اپنے بندے بھیجو گے یا ہم ادھر ٹھہریں۔ دوسری طرف رقم کب پہنچے گی ؟“ جنید نے تیزی سے کہا۔
”رقم کہاں سے لینی ہے ؟“
”ہوٹل فائن سے۔ وہاں ہمارا ایک بندہ موجود ہے ،یہاں سے نزدیک ہی ہے۔“
”اوکے آپ ان کے ساتھ چلے جائیں اور رقم دے دیں۔ رقم ملتے ہی دس منٹ بعد دوسری طرف پہنچ جائے گی۔ ادھر کا پتہ کیا ہے۔
“
”میں بتاتی ہوں۔“ مہوش نے کہا اور تیزی سے لیپ ٹاپ ٹاپ کھول لیا۔ ذرا سی دیر بعد اس نے پوچھا،آپکا ای میل پلیز تاکہ میں ساری معلومات آپ کو دے دوں؟“رضوی نے ای میل بتا دیا۔ مہوش نے تیزی سے لیپ ٹاپ پر کام کرتی رہی۔ پھر دو منٹ بعد بولی۔
”آپ دیکھ لیں معلومات آ پ کو مل گئیں؟“
رضوی نے اپنے لیپ ٹاپ پر نگاہ دوڑائی۔
(جاری ہے)
میل دیکھی اور کنفرم کر دی۔
وہ تینوں اٹھ گئے۔
”میں ایک گھنٹے تک ہوٹل فائن میں انتظار کر وں گا۔“ جنید نے کہا اور چل دیا باقی دونوں بھی اس کے پیچھے چل دئیے۔ مہوش نے وہاں کی ساری معلومات اپنے پاس ٹرانسفر کر لی تھیں۔
دوسری کار میں سلمان ، فہیم اور گیت تھے۔ ان کا رخ نپئیر روڈ کی طرف تھا جہاں وہ منی ایکس چینج کا مرکزی دفتر تھا۔اس کے ساتھ ملحقہ ایک دومنزلہ عمارت تھی۔
جہاں سارا کالا دھن لیا اور دیا جاتا تھا۔وہ عمارت پوری طرح روشن تھی۔اگر گیت نے اس عمارت کی جزئیات نہ بتائی ہوتیں تو پہلی نگاہ میں یہی لگتا تھا کہ اجازت کے بغیر اس عمارت میں گھسنا ،نا ممکن تھا۔ فہیم گاڑی میں بیٹھا رہا۔ سلمان بڑے اعتماد سے نیچے اُترا اور اس نے وہ فرضی نام بتایا جو وہ کمپیوٹر سے دیکھ چکے تھے۔ضروری کارروائی اور تلاشی کے بعد انہیں اندر جانے کی اجازت دے دی گئی۔
ان کی کار وہیں روک لی گئی تھی اس لیے وہ تینوں پیدل چلتے ہوئے اس دفتر تک جا پہنچے۔ انہیں معلوم تھا کہ اعجاز صدیقی اپنے دفتر میں ہے ، جو ساری رقم کا حساب کتاب رکھتا ہے۔ فہیم اس کا سب کچھ ہیک کر چکا تھا۔عملے کے باقی لوگ اس کے دفتر سے ملحقہ ایک ہال میں تھے۔ اس وقت وہاں صرف چار لوگ موجود تھے۔
” جی، بولیں، آپ لوگ کیا چاہتے ہیں؟“ صدیقی نے تیزی سے اکتائے ہوئے لہجے میں یوں کہا جیسے اس کے پاس وقت نہ ہو
”ہم یہاں سے رقم لو ٹنے آ ئے ہیں۔
رو ک سکتے ہو تو روک لو۔“ گیت نے دھیمے مگر سرد لہجے میں کہا تو صدیقی ان کی طرف یوں دیکھنے لگا کہ جیسے وہ دونوں کسی دوسرے جہان کی مخلوق ہوں۔ پھر مسکراتے ہوئے بولا۔
” پاگل ہو یا کسی دوسرے جہان کی مخلوق۔ ایک منٹ سے پہلے تم پکڑے جاؤ گے۔ “ یہ کہتے ہوئے اس نے پاؤں کے نیچے لگا الارم کا بٹن دبا دیا۔ کہیں بھی کچھ نہیں ہوا تووہ ایک دم سے پریشان ہو گیا۔
”تمہارا یہاں کا سارا نظام ہم جام کر چکے ہیں۔ تم کچھ بھی کر لو، کچھ نہیں ہوگا۔ سامنے دیکھو، باہر لگے کیمرے اور تمہاری یہ اسکرین تاریک ہے، کسی کو کچھ دکھائی نہیں دے رہا ہے ، باہر والوں کے لیے اندر سب سکون ہے۔ یہ کہتے ہوئے سلمان نے اس کی دراز میں پڑا پسٹل نکالا، اس کا میگزین دیکھا، پھر صدیقی پر فائر کرنے کے لیے سیدھا کہا۔
”تمہارا پسٹل اور اب تم ، کہو کیا کہتے ہو ؟“
”مجھے مت مارو، تم جو چاہے یہاں سے لے جا سکتے ہو، میں کوئی مزاحمت نہیں کرتا۔
“ صدیقی نے دہشت زدہ لہجے میں کہا۔
”اس دیوار گیر الماری کا نمبر بھی نہیں دو گے، جس میں کرنسی موجود ہے؟“ سلمان نے کہا۔
”یہ …یہ … لو۔“ اس نے سامنے رکھے کاغذ پر نمبر لکھ دیا۔تب سلمان نے اسے گولی مارنے کی بجائے پسٹل کا دستہ زور سے اس کے سر پر مار دیا۔ وہ پہلے ہی دہشت زدہ تھا اگلے ہی لمحے وہ ڈھیر ہو گیا۔
گیت اور سلمان دونوں محتاط انداز میں باہر کی جانب لپکے۔
سامنے دو گارڈ پہرہ دے رہے تھے۔ دونوں کو گیت نے نشانے پر لیا تو سلمان نے پلٹ گیا۔ اس نے دیوار گیر الماری کو کھولا تو اندر سیڑھیاں اتر رہی تھیں۔ اس نے پہلے میز سے اٹھائیں ہوئی کچھ چیزیں اندر پھینکیں۔ وہ دیکھنا چاہتا تھا کہ لیزر شعاعیں ختم ہوگئی ہیں یا نہیں۔ لیزر شعاعیں ختم ہو چکی تھیں۔ وہ تیزی سے نیچے پہنچا۔ ہر طرف کرنسی نوٹ کی گڈیاں اوپر سے نیچے تک لگی ہوئی تھیں۔
سلمان تیزی سے کرنسی نوٹوں کو بیگوں میں بھرنے لگا۔
اس دوران جنید ، اکبر اور مہوش وہاں پہنچ چکے تھے۔ جیسے ہی اندر سے انہیں کہا گیا کہ رقم کے تھیلے تیار ہیں۔ اسی وقت انہوں نے اپنے ہتھیار سنبھالے اور گیٹ پر جاپہنچے۔ انہیں دیکھتے ہی سیکورٹی گارڈ الرٹ ہو گئے تھے۔ اس سے پہلے کہ وہ وہاں جا کر بات کرتے ،انہوں نے سائیلنسر لگے پسٹل سے فائر کر دئیے۔
ٹھک ٹھک کی آواز آئی اور وہاں موجود بندے زمین پر آ رہے۔ وہ تیزی سے اندر چلے گئے۔ ان کی راہ میں جو بھی آ یا، وہ انہیں ڈھیر کرتے گئے۔ یہاں تک کہ وہ صدیقی کے کمرے تک جا پہنچے۔ ہال میں موجود لوگ باہر کی صورت حال سے بالکل بے خبر تھے۔ وہ جیسے ہی ہال میں گئے تب انہیں پتہ چلا کہ باہر تو صورت حال ہی بدل چکی ہے۔ ایک بوڑھے آدمی نے فوراً اپنے ہاتھ سر پر رکھ لیے ، باقیوں نے بھی اس کی تقلید کی۔
مہوش نے انہیں ایک جگہ اکٹھے ہوجانے کو کہا۔ وہ کونے میں لگ گئے۔ اس دوران وہ اپنے بیگ سے اسپرے کی بوتل نکال چکی تھی۔وہ اس نے وقفے وقفے سے دو تین بار ان پر چھڑکا تو وہ بے ہوش ہوتے چلتے گئے۔ ان کی طرف سے مطمئن ہونے کے بعد وہ صدیقی کے کمرے میںآ ئے۔ وہ ابھی تک بے ہوش تھا۔ مہوش نے اس کے منہ پر چھڑکاؤ کر دیا۔ جنیداکبرنیچے جا چکے تھے ، جبکہ گیت اور مہوش باہر نگاہ رکھے ہوئے تھیں۔
جیسے ہی نکلنے کا راستہ صاف ہو چکا ، فہیم اپنی فور وہیل اندر لے گیا۔ ذرا سی دیر میں وہ سولہ تھیلے انہوں نے فوروہیل میں رکھے اور باہر آگئے۔ جنید اورمہوش دوسری کار میں بیٹھے اور وہ سب وہاں سے نکل پڑے۔
نپئیر روڈ سے کلفٹن تک کا راستہ زیادہ سے زیادہ آدھے یا پون گھنٹے کا تھا۔ اگر اس میں ٹریفک نہ ہو تو وہ باآسانی اتنے وقت میں پہنچ سکتے تھے۔
میں دیکھ رہا تھا کہ وہ وہاں سے نکلے اور چل پڑے تھے۔ دونوں گاڑیاں دو نقطوں کی صورت میں حرکت کر رہی تھیں۔ میرے بدن میں سنسنی اپنی انتہا کو پہنچ چکی تھی۔ یہی راستہ ان کے لیے خطرناک تھا۔ جبکہ وہ آگے پیچھے گاڑیاں دوڑاتے ہوئے آرہے تھے۔ یہاں تک کہ وہ ٹریفک اشارے پر رک بھی جاتے تھے۔زویا نے شاید میری توجہ بٹانے کے لیے بتایا
” ان دونوں عمارتوں کا آپس میں گہرا تعلق ہے۔
سیکورٹی کے لحاظ سے۔ اگر ایک میں کوئی گڑ بڑ ہوتی ہے تو دوسری میں فوراً پتہ چل جاتا ہے۔ اسی لیے انہیں دونوں طرف جانا پڑا۔ اس وقت وہ دونوں عمارتیں فہیم کی مرضی پر ہیں۔ وہ جیسے ہی ادھریہاں پہنچیں گے۔ تب انہیںآ زاد کر دیا جائے گا،،مطلب ان کا سارا نظام معمول کے مطابق کام کرے گا ، تب انہیں پتہ چلے گا کہ کیا ہو گیا ہے۔“
اس کے بتانے پر میں نے ایک طویل سانس لی۔
سامنے اسکرین سے پتہ چل رہا تھا کہ وہ اب تیزی سے قریب پہنچ رہے ہیں۔تقریباً ایک گھنٹے کے بعد وہ سب اسی کمرے میں تھے اور ساری بات بتا چکے تھے۔
”تو یہ مشن چند گھنٹوں میں ختم ہو گیا۔“ میں نے مسکراتے ہوئے کہا تو اکبرنے تیزی سے کہا۔
”نہیں، یہ مشن اب شروع ہوا ہے۔ ایک گھنٹے بعد جب اس سے جڑے سارے لوگوں کو پتہ چلے گا، ایک ایک کرکے وہ سب ہمارے جا ل میںآ تے چلے جائیں گے۔ پھر یہاں بیٹھ کر ہم ان سے کھیلیں گے۔“
”میں رقم تہہ خانے میں پھینک آؤں، آؤ سب میری ہیلپ کرو۔“ سلمان نے کہا تو وہ سب باہر چلے گئے۔ میں زیر لب مسکرا دیا۔ ان کی سوچ وہی تھی ،جو میری تھی۔ رو ہی نے انہیں ہیرا بنا دیا تھا۔
ؤ…ؤ…ؤ
