اگلا صفحہ پچھلا صفحہ

"بجلی کا بحران، عوام پریشان" پر مزید کوریج

حقیقی صارفین کے گھر میں بجلی کا دوسرا میٹر لگانے پر کوئی پابندی نہیں ،راجہ پرویز اشرف:
اسلام آباد (اُردو پوائنٹ اخبار تازہ ترین ۔17مارچ۔ 2010ء) وفاقی وزیر پانی وبجلی راجہ پرویز اشرف نے قومی اسمبلی کو بتایاہے کہ حقیقی صارفین کے گھر میں بجلی کا دوسرا میٹر لگانے پر کوئی پابندی نہیں ، جمعرات کو وقفہ سوالات کے دوران محمد ریاض ملک کے سوال کے جواب میں وفاقی وزیر نے ایوان کو بتایا کہ اگر درخواست دھندہ اس کا کوئی جواز پیش کرسکے کہ دوسرا میٹر لگوانے کا مقصد لوڈشیڈنگ سے بچنے کا دوہرا ذریعہ نہیں یا نرخوں سے غیر قانونی طریقے سے فائدہ اٹھانا نہیں ہے تو ایسی جگہوں پر دوسرا میٹر لگانے پر پابندی نہیں راجہ محمد اسد خان کے سوالات کے جواب میں انہوں نے بتایا کہ ڈیموں میں پانی کی کمی کے باعث بجلی کی پیداوار میں کمی ہوئی ہے جس کے باعث ملک بھر میں لوڈشیڈنگ میں اضافہ کرنا پڑا، انہوں نے کہا ہے کہ اپریل میں صورتحال بہترہونے پر لوڈشیڈنگ میں خاطر خواہ کمی ہوگی ، شیخ روحیل اصغر کے سوال کے جواب میں وفاقی وزیر نے بتایا کہ کالا باغ ڈیم پر گزشتہ 55 سال سے بات ہوتی رہی ہے ، تین اسمبلیوں نے متفقہ طور پر کئی مرتبہ کالا باغ ڈیم کی تعمیر کے خلاف قراردادیں منظور کیں ، موجودہ حکومت وفاق پاکستان پر یقین رکھتی ہے اور کسی ایسے منصوبے پر یقین نہیں رکھتی جو وفاق پاکستان کے خلاف ہو اور صوبوں کے درمیان نفرتیں اور نفاق پیدا کرے، انہوں نے بتایا کہ موجودہ حکومت بھاشا ڈیم تعمیر کررہی ہے جس کی سٹوریج استعداد بھی زیادہ ہے اور بجلی بھی زیادہ پیداہوئی ، چودھری برجیس طاہر کے سوال کے جواب میں وفاقی وزیر نے بتایا کہ سال 2009ء کے چار ماہ میں 45 کروڑ 51 لاکھ چالیس ہزار یونٹ بجلی چوری کی گئی، حکومت نے بجلی چورووں کے خلاف خصوصی مہم شروع کی ہے ، نگہت پروین کے سوال کے جواب میں انہوں نے بتایا کہ مون سون کے موسم میں سمندر میں گرنیوالے پانی کو روکنے کیلئے واپڈا نے منگلا ڈیم کی سطح بلند کرنے کے منصوبے پر عملدرآمد کیا گیا ہے جس سے 2.88 ایم اے ایف اضافی پانی ذخیرہ ہوگا ، دیا میر بھاشا ڈیم کا منصوبہ شروع کیا جارہا ہے جس سے 2020ء تک اس کی تکمیل کے بع 6.9 ایم اے ایف پانی ذخیرہ ہوگا ، واپڈا چھوٹے اوردرمیانے ڈیموں کی تعمیر بھی کررہاہے جن سے 2012-13ء میں ان کی تکمیل کے بعد2.5 ایم اے ایف پانی ذخیرہ ہوگا ۔

18/03/2010 19:17:50 : وقت اشاعت
پچھلی خبر مركزی صفحہ اگلی خبر
تمام خبریں
یہ صفحہ اپنے احباب کو بھیجئیے
محفوظ کیجئے
پرنٹ کیجئے